បន្ទាប់ពីមានទីតាំងសមស្រប និងហេដ្ឋារចនាសម្ព័ន្ធសមរម្យសម្រាប់ផ្តល់សេវាសុខាភិបាលជូនបងប្អូនប្រជាជន ក្រុមការងាររាជរដ្ឋាភិបាល បានជំរុញកែលម្អហេដ្ឋារចនាសម្ព័ន្ធ ការអប់រំ ការផ្សព្វផ្សាយអំពីជំងឺ ការបង្ការ និងការព្យាបាលរបស់ជំងឺនីមួយៗ ការហូបចុកដើម្បីថែរក្សាសុខភាព និងការធ្វើកីឡាជាប្រចាំ ។

នាថ្ងៃទី៨ ខែសីហា ឆ្នាំ២០២៦​
ក្នុង​ភូមិសាស្ត្រ​ខេត្ត​កែប
ឯកឧត្តម លាង មុនីរិទ្ធ ប្រធានក្រុមការងាររាជរដ្ឋាភិបាលចុះមូលដ្ឋានក្រុងកែប និងស្រុកដំណាក់ចង្អើរ ខេត្តកែប បានចុះពិនិត្យស្ថានភាពទីតាំងសាលារៀនចំនួន២កន្លែង និងមណ្ឌលសុខភាពអង្កោល ក្នុងគោលបំណងសិក្សាពីស្ថានភាពជាក់ស្តែង និងរួមចំណែកលើកកម្ពស់គុណភាពហេដ្ឋារចនាសម្ព័ន្ធ និងការផ្តល់សេវាសាធារណៈឱ្យកាន់តែមានប្រសិទ្ធភាព ឆ្លើយតបតាមតម្រូវការរបស់ប្រជាពលរដ្ឋនៅមូលដ្ឋាន។